Програмата „Идна генрација на ЕВН“ е еден од најдолгорочните и најуспешни проекти за вработување на инженери на почетокот на кариерата во компанијата. За успехот најмногу зборува фактот што досега над 200 учесници се вработени преку оваа програма, а некои станаа и дел од раководните структури на компанијата. Програмата предвидува вработување на студенти во последната студиска година или неодамна дипломирани кандидати со можност за трајно вработување по истекот на програмата.
Учесниците во програмата специјализираат во одредена област во согласност со образовниот профил и ротираат низ повеќе организациски единици под континуиран надзор од ментори кои се искусни професионалци.
Учесниците се вклучуваат во редовните работни процеси преку конкретни активности и задачи, како дел од тимот во организациската единица каде што припаѓаат. Тие така имаат можност за краток период да ја запознаат компанијата и корпоративната култура, да учествуваат во повеќе поврзани процеси и да се здобијат со значајно искуство и вештини.
На крајот на програмата постои можност за вработување на најдобрите учесници.
