Зошто го организираме овој предизвик?

Речиси една декада ЕВН Македонија интензивно инвестира во унапредување на родовата рамноправност во компанијата и надвор од неа. Наша цел е да поттикнеме што поголема вклученост на жените во енергетскиот сектор и на сите хиерархиски нивоа во нашата компанија.

Преку овој предизвик ќе им помогнеме на учесничките да ги развијат вештините кои ќе им бидат потребни за нивната иднина, како креативност, тимска работа, критичко размислување, решавање проблеми и да стекнат или ги надградат своите дигитални вештини.

Зошто да учествувате?

• Ќе ги развиете и унапредите вештините за индивидуална и тимска работа
• Ќе добиете платена обука во времетраење од 8 недели за развој на дигитални вештини
• Ќе стекнете дополнително знаење за енергетиката особено за обновливите извори на енергија
• Ќе се инспирирате при избор на област за студирање
• Ќе имате можност за вмрежување за почеток на кариера во енергетиката

Што да очекувате?

Кој може да учествува?

Сите ученички од трета или четврта година од сите средни училишта ќе можат да се пријават поединечно и/или како тимови по 3 учеснички.

Времетраење

8 недели во периодот април - јуни 2023

Награди

За победниците предвидена е парична награда од 100.000 денари по учесник во форма на годишна стипендија за време на I-вата година студии.